 |
| Jorge coa camisola do Celta na Muralla China |
Ourense, a Cidade das Burgas, é tamén terra de celtistas.
Alí naceu hai algo máis de 40 anos o quinquaxésimo terceiro protagonista de El
Rincón del Celtista. Jorge Paz, mestre de profesión, contaxiouse do sentimento
celeste durante a súa etapa universitaria en Vigo. Agora percorre regularmente
a A-52 con dirección Vigo para ocupar o seu asento na bancada de Río Bajo de
Balaídos. Membro da peña celtista Siareiros.net e socio número 4.500, este
ourensán é unha apaixoado do fútbol e das viaxes. Combina os seus dous hobbys
para acudir cada ano a un bo número de estadios de todo o mundo. Acompáñao unha fiel amiga: a camisola
celeste.
ACTUALIDADE
Como se lle queda a
un o corpo despois dun partido como o do Rayo?
Con moita desilusión porque cada vez que gañamos fora
chegamos ao estadio coa idea de que por fin romperemos a mala racha en Balaídos.
E para colmo, nesta ocasión, o equipo xogou bastante mal e non mereceu moito
máis.
Que explica o cambio
tan drástico que se produciu ante o Rayo despois da boa actuación de Sevilla?
O Rayo é un equipo distinto a todos e soubo utilizar
perfectamente as súas armas. Ademais, aproveitou a ansiedade que empezamos a
ter nos partidos de casa.
Consideras que Luis
Enrique realizou o plantexamento e alineación axeitadas?
Tendo en conta as baixas de Aurtenetxe e Cabral, non había
grandes opcións para configurar o 11. Persoalmente, non me convence Santi Mina
na banda dereita, pero aínda menos Rafinha nese posto. Se a alineación foi aceptable, o plantexamento
foi moi malo e deixamos en bandexa o partido para o estilo que buscaba o Rayo.
Con este tropezo, a
bagaxe na casa comeza a ser terrorífica. Que razóns levaron ao Celta a sumar
tan só 3 puntos de 21 posibles en Balaídos?
Está claro que merecíamos levar bastantes máis puntos. O
partido do Granada foi o mellor da temporada, e contra Espanyol e Levante tamén
xogamos bastante ben. Hai que gañar o primeiro partido na casa canto antes para
quitarnos toda a presión. E ten que ser ou Almería ou Osasuna. Ou ambos. De non
ser así, a situación xa sería crítica.
O choque ante o Rayo
deixa moi tocado a un futbolista: Toni. Cres que ante os vallecanos foi o seu
último partido no lateral esquerdo? Que che pareceron os asubíos que lle adicou
Balaídos?
Os asubíos son sempre improcedentes (salvo por actitude do
xogador ou malos xestos, e non foi o caso). Ao inicio da Liga, había quen xa
non confiaba en Toni, e despois estábamos os que pensábamos que Toni podía
aportar algo en ataque como compensación. A día de hoxe creo que xa o 99% da
xente ten a mesma sensación con Toni. Non serve como lateral.
Sen Aurtenetxe, Bellvís
ou Jonny a perna cambiada?
En principio, probaría con Bellvís.
Outro que sae tocado
é David Costas. Ante a baixa de Cabral, consideras que foi a alternativa axeitada?
Teríaslle dado a oportunidade a Vila?
Pareceume unha falta de respeto enorme a Vila. Non entendo
os motivos. Quero crer que foi un momento de ofuscación por parte de Luis
Enrique.
Que lle pasa a
Charles?
Charles necesitaría que o equipo xogase un pouquiño máis
para el, e non tanto el para o equipo. Por exemplo, necesitamos que alguen poña
algunha vez un centro en condicións.
Como recibiches a
Trashorras? Bótalo de menos?
Con indiferencia. Recoñezo a súa calidade, pero nunca me
convenceu cando xogaba no Celta. Agora no Rayo está traballando e correndo
bastante máis. Non o boto de menos.
Titula o Celta 0-2
Rayo Vallecano
“Resístese a primeira victoria en Balaídos”
Tralo parón, agarda a
Real Sociedad en Anoeta. Asinas o empate?
Aínda sendo un equipo de Champions, non asino o empate
nestes campos. Pode soar raro, pero asinaba o empate na casa co Rayo como mal
menor, pero en Anoeta, Pizjuán, Mestalla, etc… non asino o empate.
Que é o que máis
temes do conxunto donostiarra?
O poderío no xogo aéreo (sobre todo a balón parado) e
Griezmann.
Como se lles pode
meter man aos de Arrasate?
Por asuntos persoais estiven o outro día en Anoeta vendo o
Real Sociedad 5-0 Osasuna. Non me pareceu que a Real estivese ao nivel do ano
pasado. Se somos capaces de ser contundentes e serios en defensa, imos ter
serias opcións de gañar.
Oubiña será baixa en
Donosti. Como ten Luis Enrique que cubrir a ausencia do capitán?
Faga o que faga Luis Enrique será un “parche”, xa que
levamos ano e medio pedindo un reforzo nese posto. Colocar a Fontás sería
retocar toda a defensa. Eu case me inclinaría por darlle minutos a Madinda.
Debe Rafinha
continuar como suplente?
De momento si. Na
banda non me gusta e por dentro hai outros xogadores que están a máis nivel.
Iso si, ten que chegar o día que sexa titular indiscutible. Pero para iso terá
que facer máis méritos. Démoslle tempo.
Fai un pronóstico do
Real Sociedad – Celta
1-3
Para finalizar, fai
dez días sorteouse o cadro da Copa del Rey. Ao Celta tocoulle en sorte o
Athletic Club de Bilbao. Ledo?
Xogar contra o Athletic sempre é algo atractivo. E na Copa aínda máis.
Es partidario das
rotacións nesta competición? Cal sería o teu hipotético 11 ante os bilbaínos?
Non é cuestión de facer o ridículo ou de “tirar”
descaradamente a Copa, pero deberían xogar os que menos minutos teñan e que
pase o que teña que pasar. Non me quita o sono quedar eliminados. Xogaría con: Sergio, Jonny, Costas, Vila,
Bellvís, Madinda, Rafinha, Alex (ou algún do filial), Krohn-Dehli pola dereita,
Toni pola esquerda e Santi Mina en punta.
Ata donde cres que
chegará o Celta nesta competición?
Tendo en conta que xogamos a volta en San Mamés, e que eles
si que van ir a morte pola Copa, o normal é caer nesta ronda.
.jpg) |
| Collage no que se pode ver a Jorge vivindo en directo as tres recentes finais da selección española en Viena, Johannesburgo e Kiev |
EL TEST DEL CELTISTA
Dende cando e por que
es celtista?
Simpatizo co Celta dende os anos 80, pero son socio e asiduo
de Balaídos desde que fun a estudar Teleco a Vigo en 1989.
Un momento inesquecible?
As noites europeas na UEFA, os ascensos…e especialmente o
vivido o pasado 1 de xuño.
Un momento para
esquecer?
Sen dúbida, os descensos. E o regreso a casa tras a final de
Sevilla.
O mellor xogador que
viches?
Mostovoi e Mazinho.
Un gol para recordar?
En Europa, o “golazo” de José Ignacio en San Siro. Na Liga,
o gol de Insa ao Espanyol e tamén o 3-1 de Álex López ao Xerez na temporada do
ascenso.
O mellor adestrador
que pasou por Balaídos?
Con Víctor Fernández fixemos o mellor fútbol da historia
recente do club, pero eu valoro máis a adestradores como Chechu Rojo, Irureta
ou Paco Herrera, que colleron proxectos estancados e déronlle un “plus” ao
equipo conseguindo ascensos, finais de Copa ou clasificacións europeas tras
moitos anos.
O mellor 11 da
historia do Celta?
Escollendo entre os que vin xogar: Cañizares, Michel
Salgado, Cáceres, Djorovic, Berges, Mazinho, Makelele, Karpin, Mostovoi,
Revivo/Gustavo López, Gudelj/Penev.
Gudelj ou Penev?
Don Vlado, sen desmerecer o rendemento de Penev.
Manchev ou Cellerino?
Xogadores dese tipo tivemos ducias. Incluso poderíamos facer
unha lista de 23 para un Mundial dos fracasados.
A mellor bancada do
estadio?
Eu fun sempre socio de Río Baixo e téñolle cariño. Sen
embargo, admito que en Marcador viven o fútbol con máis paixón.
Un cántico ou unha
canción?
A Rianxeira era
bonita ao principio pero agora xa empeza a estar un pouco “trillada”. En xeral,
non me gustan os cánticos actuais. Vexo pouca orixinalidade. Case o máis
orixinal é o “loló, loló”. Con iso está dito todo (risas).
Unha frase ou consello
publicitario de Antón López (antigo speaker de Balaídos)?
O mítico “Coma sempre, o de sempre…Hala Celta!!!”
Define ao Celta nunha
frase
Unha familia sufridora e loitadora.
.jpg)
