O Celta anuncia os actos do seu centenario

O Celta informou este xoves aos seus abonados e siareiros dos principais actos do centenario, que celebra o clube celeste durante este ano 2023. 

• Academia Play

Activen as súas alarmas para hoxe ás 19:23h porque a canle de historia en castelán con máis seguidores en Youtube, compartirá cos seus 3 millóns de suscriptores á historia do RC Celta. Deixámosche o enlace ao vídeo aquí.

• O mellor 11 desde 1923

Axudáchesnos a elixir a mellor aliñación desde a fundación do club, pero atentos que non remata ahí, Estrella Galicia está preparando algo moi especial que contarémosvos nos próximos días.

• Reencontro de xuvenís

Deste ano en diante producirase unha emotiva reunión do equipo xuvenil de 23 anos atrás para coñecer de primeira man as vivencias de aqueles xogadores. A primeira terá lugar este mesmo domingo no partido ante o Real Valladolid CF.

• Charlas na Uvigo

Comunicación, marketing, finanzas… unha serie de ‘masterclasses’ con directivos do club, patrocinadores, colaboradores, etc. coa cooperación da Facultade de Comunicación da Uvigo e Érték Conference.

• Conferencias ‘Fútbol de Salón’

Figuras destacadas do fútbol pasarán por lugares emblemáticos coma o Salón Regio para compartir as súas vivencias, historias e coñecementos cos asistentes nunha edición especial das charlas ‘Fútbol de Salón’.

• Fases finais Liga Genuine

Do 14 ao 16 de abril,  as instalacións deportivas de A Madroa acollerán unha das fases finais da Liga Genuine. O equipo Celta Integra poderá compartir tódala súa Afouteza coa afección celeste.

• ‘Invasión Centenario’

Haberá tamén unha actividade para toda a familia, ‘Invasión Centenario’. A habitual carreira popular da Fundación Celta de Vigo ofrecerá unha edición especial conmemorativa dos 100 anos de vida do club.

• Museo e Tour

Na primavera verá a luz un dos proxectos ‘estrela’ deste 2023: o Museo e Tour Centenario. Un percorrido pola historia celeste, lendas, anécdotas, momentos especiais para coñecer e desfrutar dos 100 primeiros anos de vida do RC Celta e tamén acceder aos rincóns máis exclusivos do estadio de Abanca Balaídos.

• Gran Concerto da Coral Casablanca

‘Gran Concierto del Centenario’ da Coral Casablanca que, o 9 de maio no Teatro Afundación de Vigo, presentará un repertorio especial para a ocasión, con varias sorpresas que farán del un concerto inesquecible.

O himno O Himno do Centenario por fin verá a luz en primavera. Polo momento, só adiantamos que neste proxecto están involucrados, coa maior ilusión, celtistas con gran talento. Moita máis música Tamén celebraranse os ‘Conciertos del Centenario’. En verán, durante varias xornadas reuniranse bandas e artistas de tódolos estilos e xéneros, nacionais e internacionais, aínda que con especial protagonismo para aqueles vencellados co celtismo, a afección, Vigo e Galicia. O Centenario toma as rúas Coa chegada do bo tempo, o Centenario tomará as avenidas, rúas e ubicacións especiais da cidade como nunca antes como paso previo á gran cita do 23 de agosto.  Finais campionatos galegos Co final de tempada terán lugar dúas citas moi especiais da man da Federación Galega de Fútbol: as finais dos campionatos galegos de fútbol base e a final do Torneo de fútbol amateur.  Copa das Rexións da UEFA O Centenario será anfitrión da gran Final da Copa das Rexións da UEFA, un torneo cuxa fase final celebrarase en España por primeira vez desde a súa creación en 1999 e na que participa Galicia. Cidade Deportiva Afouteza A Cidade Deportiva Afouteza acollerá tamén varios actos do Centenario: visitas de colectivos da zona, plantación de árbores, charlas e outras actividades. A camiseta Unha das iniciativas máis agardadas que darase a coñecer ao final de tempada, aínda que antes as tendas oficiais do RC Celta terán coleccións e ediciones limitadas relacionadas coa historia do club. NFT Haberá unha edición especial que convertirase nun recordo eterno desta gran celebración e ofrecerá diversas vantaxes relacionadas coas actividades do Centenario. Libros e podcast Durante o verán sairán á luz outras tres iniciativas moi especiais: o Libro Oficial do Centenario, unha gran peza de coleccionismo para todo o celtismo. A publicación "100 Anos de Afouteza e Corazón” onde diferentes personalidades do mundo das artes, deporte, periodismo, etc. contarán en primeira persoa os seus recordos celestes máis especiais. E o podcast do Centenario, 6 capítulos que narran de xeito moi especial os 100 anos de historia celeste. Partido de lendas Tamén no verán chegará o esperado partido de lendas. O club traballa nesta gran cita na que moitos dos xogadores máis queridos e emblemáticos volverán a vestir a camiseta celeste.

E  MÁIS SORPRESAS Haberá aínda máis actividades e sorpresas que o RC Celta irá desvelando co paso dos meses deste inesquecible ano do Centenario.