Sergio: "O equipo vai pelexar sempre ata o último minuto"

Foto: RC Celta

Sergio Álvarez protagoniza a última peza de Celta Media. O gardamllas celeste analiza a actaulidade do club, lamentando de inicio a derrota do pasado luns: “O equipo chegou ao parón nunha dinámica moi boa, e o último partido foi unha lástima non conseguir polo menos un puniño, pero creo que o equipo segue crecendo e esto só acaba de comezar”, suliñou. 

O “gato” de Catoira prefiere ver a botella medio chea: “Sempre analizas os partidos e tentas correxir o que non fixeches ben, pero é importante resaltar algún aspecto positivo. O equipo empeza perdendo, empata e que se poñan por diante ao momento e marquen o 3-1 ao pouco de comezar a segunda parte é duro, pero tivo a iniciativa de seguir pelexando e engancharse ao partido, e crer nunn empate que non chegou por pouco. O equipo vai pelexar ata o último minuto polos partidos pase o que pase”, destaca. 

Dese encontro, recoñeceu que “non estivemos a nivel defensivo grupal coma noutros partidos”. E de cara ao partido da fin de semana fronte ao Real Valladolid: “Vai ser un partido complicado. O Valladolid ven demostrando que é un rival difícil, sólido, que encaixa moi poucos goles, que é un equipo moi compacto que se xunta e defende ben. Temos que ter paciencia, non desesperarme, mover ben e rápido o balón. Se marcamos pronto cambiarán as cousas, pero non hai que desesperarse”, conclúe.