 |
| Foto: David Martín |
O Celta B segue a sumar e sen encaixar goles no que vai de Liga logo de dúas xornadas. Os de Torres Gómez acadaron onte un punto a domicilio perante a Cultural Leonesa, nun partido bastante trabado no que o Celta tivo que mostrar todo o seu oficio para non saír derrotado. Os leoneses atacaron, presionaron con intensidade, pero non foron quen de batir a meta defendida por Ivan Villar.
Borja Iglesias, moi vixiado polos defensas locais, apenas tivo ocasións, e as arrincadas do Celta chegaban da man de Luis Rioja e Pape, pero sen incidencia no resultado. Na Cultural destacaban Víctor, moi activo pola banda esquerda e Cristóbal.
No segundo acto Torres Gómez deu entrada a Julio Delgado, pero non acadou o que pretendía, así que ao Celta só lle quedou xuntar as súas liñas e defender o resultado o mellor que puido. Finalmente obtivo un empate que o deixa na zona noble da clasificación, máis preto do obxectivo da salvación.
Ficha técnica
LEONESA: Leandro, Aitor Núñez, Santi Santos, Jordi, Villarejo, Josu, Eric (Babalola, min.59), Nacho Matador, Aketxe, Cristóbal (Gonzalo, min.71) y Víctor (Orodea, min.79).
CELTA B: Iván Villar, Kevin, Samu, De Amo, Goldar, Borja Fernández, Luis Rioja, Pape, Borja Iglesias, Guille Andrés (Julio Delgado, min.46) y Rubén Ramiro (Jordan, min.64).
Árbitro: Saez de Adaña, del comité vasco. Amonestó a Cristóbal.
Campo: Reino de León.
0 comments:
Publicar un comentario