Sergio: "Hoxe impuxéronse os ataques ás defensas"


Foto: Verónica Martínez
Sergio Álvarez estivo esta tarde nos estudios de San Marcos da TVG para comenta-las súas impresións sobre a victoria do Celta ante o Almería. O porteiro de Catoira quixo destaca-la importancia da victoria: "Sabiamos que era un rival importante e que se conseguiamo-la victoria os deixábamos a catro puntos, que son dous partidos, pero hai que recalcar que a segunda é moi longa". O xogador celeste mostrou a felicidade polo resultado, a pesar de ter encaixado tres goles: "O noso obxectivo era deixar a portería a cero, pero sabíamos que eles son moi perigosos. No partido de hoxe puidose ver que son ofensivos e no partido de hoxe impuxéronse os ataques ás defensas". 

O canteirán foi repasando as xogadas máis destacadas do partido, comezando polo primeiro gol do Almería, que anotou Ulloa en fora de xogo, algo do que non se percatou o árbitro nin o propio Sergio, que deu moita importancia o empate acadado só un minuto despois: "Empatar así rápido dache máis tranquilidade e non deixas que o equipo rival se asente". Pese a todo, a primeira metade non remataría ben ante un bo equipo como o almeriense: "Teñen xente arriba con moito gol e demostrouse. Na primeira parte nunca estivemos cómodos", explicou Sergio que recoñeceu que Juanma Ortiz tivo moita fortuna no segundo gol rival:  "O segundo foi con un pouco de fortuna, pégalle a Oier no pé e desvía completamente o balón, que viña hacia mín para bloquealo". 

Na segunda metade chegaría a reacción do celta, que soubo remontar e decantar o partido do seu lado: "A capacidade de reacción que está tengo o equipo é incrible. O equipo soubo sobrepoñerse a esas circunstancias nos dous últimos partidos", explica Sergio, que destaca a laboura de Mario Bermejo: "É moi potente no xogo aéreo e hoxo soubo encontrar dúas veces o gol".

Sergio lamentou non ter gañado o goal-average ó Almería: "Durante o partido non o pensas, pero cando remata o partido si que pensas que tal vez o terceiro gol era evitable, pero o importante son os tres puntos". Con respecto á loita polo ascenso, Sergio ten claro que o principal rival do Celta polo ascenso é o propio Celta: "Hai grandes rivais como o Almería de hoxe ou o Valladolid. Se facemos ben as cousas, depende de nós. Cada día nos atopamos mellor no campo", explica un Sergio que non quere pensar máis alá do próximo partido: "Hai que pensar partido a partido e non ir máis alá. O próximo é o Valladolid. Se pesamos en cantos puntos nos faltan para o ascenso, creo que nos estaríamos equivocando". 

0 comentarios:

Publicar un comentario