O Celta creará tres novas escolas de fútbol en México


Foto: RC Celta

O proxecto das escolas internacionais do Celta continúa expandíndose coa firma entre a Fundación Celta e o RC Celta dun acordo con Idea Sport para a creación de tres escolas de fútbol para a tempada 21/22. En setembro iniciarán as actividade nas cidades de Anáhuac en Cancún, Polanco e Interlomas en México DF, dirixido a mozos e mozas de entre 6 e 15 anos.

Estas escolas sumaranse á consolidada academia de Campeche cuxos xogadores compiten en torneos locais. Asinaron o acordo Mario Quintana, fundador e director xeral de Ideas Sport, Elías Fernández, director xeral de Grupo Hickok e representante de Idea Sport e Germán Arteta, director da Fundación Celta.

Contémplase que esta colaboración potencie a escola de fútbol base a través da formación mediante a aplicación do método da canteira entre os e as máis novas do país azteca.

Nota de prensa

0 comentarios:

Publicar un comentario