A falta de entradas complica a viaxe a Eibar a moitos celtistas

Siareiros celestes no úlitmo Eibar - Celta (Foto: LFP)

A viaxe a Eibar estase a converter nun pequeno problema para os afeccionados celestes que queiran apoiar ó Celta nese importante partido. O partido de Ipurúa está marcado no almanaque como o primeiro gran desprazamento da tempada, nun encontro que se xogará o sábado 26 de setembro ás dez da noite. A día de hoxe xa hai varias viaxes organizadas, pero estos atópanse co problema da escasez de entradas dispoñibles: Soamente 110. 

As reducidas dimensións do estadio vasco xeran a preocupación no seo da Federación de Peñas do Celta, toda vez que xa hai tres autobuses cheos para viaxar a Eibar. Actualmente estanse realizando as xestións oportunas, tanto por parte da Federación de Peñas, como do propio clube, para amplia-lo cupo de entradas dispoñibles, a fin de que non quede ningún seareiro en Vigo por este motivo. O Prezo para esa grada é de 30 euros, mentras que no resto das bancadas o custe é de 45, cantidade que están dispostos a asumir os celtistas para poder estar ó carón do seu equipo.