O Colectivo Nós denuncia que o Levante censuroulle o seu material

Foto: colectivonos.gal

Os seareiros pertencentes a Nós que viaxaron ata Valencia o pasado fin de semana veñen de denunciar na súa páxina web os problemas que sufriron nos controis de acceso ó estadio do Levante. Tras un desprazamento tranquilo no viaxe organizado pola peña Sempre co Celta, os problemas chegaron o entrar no estadio para o Levante-Celta. Os membros da seguridade privada contratada polo club impediron que introduciran as bandeiras do colectivo, estreleiras co nome da peña no centro, e as bufandas propias de Nós.

Ante estes problemas, como relatan na súa denuncia, chamaron ó director de seguridade levantino: (…) Pedimos explicacións ante esa actitude. O conto de sempre “ese material en este campo puede incitar a la violencia”. (…) Dous días paseando por Valencia sen problema algún. Perfecta convivencia coa afección granota. Pero non podemos meter no campo nada que teña unha estrela vermella porque ao parecer xera violencia. “En tú campo lo puedes meter porque no incita a la violencia pero aquí puede incitar a la violencia”. Queda claro que o noso material non está prohibido, a censura ven dunha interpretación incorrecta da norma.

O propio directivo do Levante recoñeceu que as súas bandeiras eran legais e estaban no rexistro de peñas oficiais do Celta, pero aínda así impediron que dito material estivera na grada do Ciutat de Valencia. Ó remate do encontro foilles devolto todo o incautado na entrada.

Seguir @DavidPenela