Sergio: "Temos que mirar partido a partido"

Sergio aplica a teoría de Simeone, e apúntase ó “partido a partido”. O gardamallas céltico insistiu en acada-la permanencia “canto antes”, polo que pediu non mirar máis alá nin marcase retos máis ambiciosos: “O do Elche é un partido importantísimo porque se gañamos damos un paso moi grande para acada-lo obxectivo. Temos que mirar partido a partido, porque se miramos máis aló trabucaremonos. Xa nos pasou ao comezo da tempada, cando parecía que xa estaba todo feito e despois tivemos unha xeira moi mala”, suliñou. 

O canteirán asegurou estar “moi contento” por ter encaixado un só gol no mes de febreiro, o que lle marcou a Real Sociedad, pero deixou claro que o primeiro é o equipo: “Incluso cando estábamos nesa xeira negativa non encaixábamos moitos goles porque case sempre perdíamos pola mínima. Nestes derradeiros partidos deixamo-la portería a cero, que é moi importante, pero o equipo foi forte defensivamente durant todo o ano”, insistiu. Por último, celebrou que a presente tempada está a se-la mellor da súa carreira deportiva pola regularidade que está tendo en Primeira División.