 |
| Foto: Ricardo Grobas |
O Celta deixou a súa portería a cero perante o Athletic e un dos grandes responsables foi Sergio Álvarez. O de Catoira voltaba a xogar un partido cos célticos, algo que non sucedía dende o lonxano encontro de Copa fronte ao Real Madrid do pasado mes de xaneiro. Ao remate do mesmo, o canteirán mostraba a súa ledicia en zona mixta: "Saíu todo redondo, Gañou o equipo e fixemos un bo partido. Gañamos en Balaídos e parece que estamos collendo a dinámica positiva, que tamén é importante", suliñou.
Na rolda de prensa posterior ó encontro, Luis Enrique destacou o traballo de Sergio, algo que agradeceu o de Catoira: "Sempre é de agradecer que che digan esas cousas, pero hai que seguir traballando para aproveitar as oportunidades". De feito, Sergio quixo destacar este aspecto e insistiu unha e outra vez: "Eu traballo para aproveitar a miña oportunidade. Sen o traballo diario non estaría así. Estou feliz porque o equipo gañou, contento por axudar ao equipo a gañar".
Con respecto ás opcións do Celta de superar ao Athletic na eliminatoria, Sergio comentou que "o importante era non encaixar. Alá temos que ir a gañar o partido igualmente, pero estamos satisfeitos porque o resultado é positivo", finalizou.
0 comments:
Publicar un comentario