 |
| Foto: Miguel Álvarez |
O partido máis agardado dos últimos cinco anos chegou. Cheo absoluto, un ambiente espectacular. Non cabe dúbida. Todo está listo para que o domingo a partir das doce do mediodía dé comezo a festa do fútbol galego. Unha festa con todolos ingredientes posibles: cánticos, piques sanos, a previa de antes e o xantar despois, as apertas, as bágoas, a tristura, a emoción...
Unha morea de condimentos para facer deste un partido inesquecible. Pero hai un que non queremos usar. A quén se lle pode pasar pola cabeza utiliza-la violencia? Qué tipo de persoas teríamos demostrado ser permitindo tal atrocidade? Merece a pena arrisca-la integridade dos demáis?
Non entres no xogo daqueles cegados polo protagonismo mal entendido. A eses de sempre, a eses catro parvos que hai en todolos lados, a eses ós que lles interesa máis tirar unha pedra que celebrar un gol de Valerón ou de Oubiña. Desfruta do derbi o domingo como mellor sabes: Cos teus amigos, coa túa familia, coa túa parella, coa túa camisola, sexa da cor que sexa.
Nós non coñecemos outra forma mellor de desfrutar do derbi. Pon connosco o teu graíño de área para que este partido sexa o que ten que ser: Unha festa, a festa do fútbol galego. O noso fútbol.
Por un derbi galego sen violencia
 |
| Autor: Simón Agulla |
* Comunicado conxunto dos medios dixitais que siguen, apoian e informan sobre o Celta:
0 comentarios:
Publicar un comentario