 |
| J. SANTOMÉ |
Despois de case un mes de pretemporada, só un xogador do primeiro plantel do Celta segue sen debutar durante o verán. Nolito, voltou máis tarde ao traballo tras acudir á selección no mes de xuño, todavía non estreou a nova camisola. Unhas doencias musculares tiveron a culpa de que o sanluqueño sexa o único futbolista sen minutos nesta etapa de preparación.
A finais da pasada semana incorporouse aos adestramentos co equipo, pero Berizzo decidiu reservalo no triangular de Vila do Conde para evitar calquera posible recaída. Porén, semella que mañá pode ser o día da súa volta. Se non hai problemas de última hora, Nolito podería ter algúns minutos no amigable fronte ao Coruxo que se xogará mañá no campo vigués do Vao a partires das oito do serán. Será o penúltimo partido de pretemporada previo á desputa do Memorial Quinocho o vindeiro venres 14 de agosto.
0 comentarios:
Publicar un comentario