 |
| Foto: Ricardo Grobas |
O ex xogador do Celta, Mario Suárez, xogará finalmente na liga italiana a vindeira tempada, pero non será en ningún dos clubes de Milán, senón na Fiorentina, tendo a oportunidade de vivir nunha das cidades máis fermosas de Europa. Mario Suárez chega á cidade da Ponte Vecchio despois de que Fiorentina e Atlético de Madrid chegasen a un acordo para intercambiar a dous xogadores, xa que a Madrid chegará Stefan Savic procedente do clube florentino.
Mario Suárez xogou no Celta na Tempada 2007-08. Chegou a Vigo con apenas 20 anos e moito fútbol nas súas botas, pero faltoulle un pouco máis de empaque para dar o mellor de sí mesmo en Balaídos. Despois de estar en Vigo xogou dous anos en Mallorca e en 2010, por fin, chegou ó primeiro equipo do Atlético de Madrid, con quen acadou un bo número de títulos.
Agora emprende unha nova aventura fora de España, a primeira na súa carreira, aos seus 28 anos de idade.
0 comments:
Publicar un comentario