Celta e Racing negocian a cesión de Borja Domínguez

Foto: Óscar Vázquez

Segundo informa La Voz de Galicia na edición deste xoves, Racing de Ferrol e Celta negocian a cesión do centrocampista Borja Domínguez, un dos xogadores máis destacadas do filial celeste na derradeira tempada. Borja Domínguez, nacido o 30 de maio de 1992, formouse no Celta e xa xogou cedido no Ourense e no Vilalonga. As dúas últimas tempadas disputou 61 partidos co combinado celeste na Segunda B, así que a pesares da súa xuventude xa conta con experiencia na categoría. 

Porén, son moitos os que piden que teña unha oportunidade no primeiro equipo. É case seguro que se segue en Vigo, fará a pretempada co primeiro equipo, pero despois ten que gañarse un posto no primeiro equipo, ou ter a oportunidade de facelo, algo que non sucedou o ano pasado. 

Tamén interesan David Soto e Borja Iglesias

Ademáis de Borja Domínguez, tamén interesan en Ferrol outros dous xogadores do filial céltico: David Soto, defensa central que xa debutou no primeiro equipo do Celta fai catro tempadas, e Borja Iglesias, que fixo o propio o curso pasado, e que fará a pretempada co primeiro equipo. No caso do primeiro pode producirse unha saída, pero Iglesias estará co Celta no Stage de verán, e despois decidirá o corpo técnico.