Sergio Álvarez falou hoxe diante dos medios na sala de prensa da Madroa. o gardamallas referíuse ó partido deste fin de semana, asegurando que ambolos dous equipos se xogan moito: “Eles están marcando os postos de descenso, e xoganse a vida, pero nos tamén nos xogamos moitos. Son tres puntos moi importantes para marcar distancias definitivamente coa zona de descenso, que está moi apretada”, suliñou o meta de Catoira.
Unha victoria permitiría aos homes de Berizzo ver a clasificación dende un lugar máis cómodo: “Levamos dúas derrotas consecutivas, e un empate na casa e queremos voltar a gañar xa, recuperar esa dinámica positiva e achegarnos un pouquiño máis a eses corenta e dous puntos que dan máis tranquilidade”, afirmou. Sergio apuntou ós 42 puntos como meta para salvarse, xa “ó final os de abaixo sempre apretan moito e gañan partidos”.
Sobre o rival do sábado, Sergio explicou que “é un equipo que defende ben, que pechas os espazos atrás e despois é perigoso tanto na estratexia como á contra. Na súa casa compiten moite mellor, así que temos que ir alí coa mentalidade de que será un partido difícil”, rematou.
0 comments:
Publicar un comentario