Novo impulso desde o RC Celta á promoción e difusión da súa canteira e do labor da Fundación Celta. Canteira Celeste, popular canle de comunicación sobre o fútbol base céltico liderado por un grupo de mozos afeccionados celtistas, relanza as súas redes sociais da man do RC Celta como perfís oficiais da canteira do club vigués. Esta colaboración suporá un gran reforzo á comunicación e presenza das categorías inferiores celestes, que desde agora contarán cun espazo propio en Twitter, Facebook e Instagram.
Canteira Celeste naceu no ano 2013 e non parou de crecer ano tras ano. Nas súas sete tempadas de actividade acumulou máis de cinco millóns de visitas á súa web e conseguiu reunir a case 20.000 seguidores nos seus perfís de redes sociais. O pasado mes de xuño os responsables do proxecto anunciaron o adeus de Canteira Celeste, pero o gran labor realizado nos últimos anos para a difusión da canteira do RC Celta terá finalmente a súa merecida continuidade. Canteira Celeste seguirá informando aos afeccionados celtistas, agora de maneira oficial, sobre o día a día e os logros da Canteira e a Fundación Celta.
Nota de prensa
0 comentarios:
Publicar un comentario